Thumbnail Caption

DE PUINEPISTOLS!!

De Puinepistols (combinasiej van C.V. de PUINEsjödders en de veur dae tied zo geweldige groep de sex-PISTOLS) bestaon in 2011 3x11 jaor en v’r höbbe ongeveer plusminus 25 spelende leeje. Mer uiteraard woore wae niks zonger ôs vaste fanclub die tijdens de vastelaovesdaag veur de nodige versnaperingen zörgtj! Wae zeen ein echte Prinsekapel welke dus allein mit de vastelaovendj inclusief de veurbereidingsdaag in dees kombinasiej van zich leutj hueare. Ut grootste gedeiltje van oos optraejes vindj plaats in Ittervoort, mer inmiddels zeen wae auch vaste klantj in Haelen op de bontje aovendj van de Vreigeliers. Veur oos 3x11 jaorig bestaon wooje wae ins get speciaals doon. En waat kinse den baeter doon den mèt doon mit ut Limburgs Kampioensjap Zaate Hermeniekes. En dèt deeje wae zeker neet onverdeenstelijk, door mit ein gemiddeldje van 84,8 puntje eine sjoeane veerdje plaats te behoeale! Uiteraard smaaktj det nao meer en daorom probeere wae auch dit jaor weer mit te doon.

Mèt ein klup van enthousiaste en gooj muzikanten probere wae de Ittervoorter vastelaovendj eine sjoeane muzikale invulling te gaeve. Dèt de dinsdig aovendj den aaf en toe get luidruchtig is (laes: mit de kapel om 3u de Prins nog heives bringe is gein oetzunjering) numme de meiste Puinesjodders den mer veur leef! Noe genog gezeiverdj, wae gaon nog ein röndje trötten! Fijne vastelaovendj! Mit vastelaovesgroet,

De Puinepistols(Volg os auch op facebook, twitter en hyves!)